عربي ؟!!!!!!!!!!!!!!!!!!

الأحداث مشتعلة فى البلاد العربية و مصر قلت هفتح و اكتب بس اكتب ايه ازاي الواحد يقدر يسطر الألم اللي بيشوفوه كل يوم من موت خيرة الشباب فى كل مكان فى العالم نحسبهم عند الله شهداء بس لما تفكر ان فيه امهات هيحضروا العيد السنة دي من غير عيالهم هما بالنسبة ليهم مش كبار لسه عيل بتحبه و لو طالت تشيله من على الارض شيل كانت شالته ربت و تعبت و سهرت علشان يرجعلها و هو فرحه بعد 3 أسابيع في كفن بدل ما تشتري له بدلة فرحة اشترت كفنه ، أي قانون يدي لرئيس دولة انه يبيد شعبه برجاله و نسائه و أطفاله و شيوخه لمجرد اعتراضهم على استبداده و ظلمه ، أي قانون يدي الحق لمجموعة معاهم أسلحة يقتلوا 17 جندي مصري على الحدود و هما بيفظروا واحد منهم واخد كلقة فى راسه و وراه المعلقة اللى كان بيفطر بيها ، أمه لما تشوف صورة ابنها كده فلذة كبدها على الأقل قلبها هيتفطر بمعنى الكلمة ، لان بكل بساطة حبيبها مات اتقتل غدر على الحدود و هو بيفطر .
ازاي نسطر الألم اللى الناس عانته من 2011 و لحد 2012 احنا تقريبا فى نهايتها ؟!!!!!!!!!!!
سؤال للناس اللي بتعمل كده و للحكام انتوا ناسين ان اخرتكوا تراب و هتقفوا بين ايدين ربنا هتقولوا لله ايه ، غالبا معظمكم بقى بيقول ( أنا ربكم الأعلى ) نسى نهايته و شاف انه بقى أكبر منها .
دمر اسرق انهب بس ليه تاخد من أم طفلها حبيبها نور عنيها ليه تسرق فرحتها بيه لمجرد انك عايز تحرج الرئيس ده ؟!!!!
مين اللي اعطاك الحق سرق عيالهم منهم ؟!!!!!!!!!!!!!!!!!!!!
و احنا كمان شعب لذيذ قوووووووووي أول ما القضية تكون سخنة نغير صورة البروفايل بتاعة الفيس بوك و بعدين المسئولين ينددوا و يهددوا و فى الاخر بحححححححححححح .
رسالة لسيادة الرئيس مرسي انت لازم تجيب حق اللي ماتوا على الحدود مهما حصل اعتبرهم عبدالله أو أحمد أو أي عيل من عيالك لو مجبتش حقهم هبقى من أول الناس اللي هتقف ضدك مع العلم اني عملتلك دعاية انتخابية و انتخبتك فى الجولتين لكن دم أخويا و عمي و خالي و اهالينا اللى ماتوا على الحدود أغلى من أي حد .

سلام 

زجاج شباك العربية

فيه فاصل رفيع شفاف بين الانسان والحرية ، اعتبره يا سيدي زي رجاج شباك العربية ، فيه اللي يعقلها و يشغل مخه و يفتح الباب و ينزل منه و يبص يمين و شمال و بكده يبقى نجح ، و فيه اللي هيفتح الشباك و ينط منه و ده يا هيموت أو هيتصاب  بشوية كسور اللي ممكن تسببله عاهه و منها اللي هتختفي مع الوقت .
و النوع الثالث بقى هيفضل (( ينطح )) في الشباك لحد ما نفوخه يتفشفش أو الشباك يتكسر و ده طبعا قرر انه يكسر الشباك و يطلع منه ما هو عبقري و طبعا فى كل حركة و كل زقة لبرة الشباك حته من هدومه و معاها حته منه هتتقطع و تتعور تخيل بعد ما يطلع شكله هيكون ايه ؟ أقولك دماغه هتبقى وارمة و مفتوحة و جسمه متعور و طبعا الاثار دي عمرها ما هتروح من على جسمه .
فالأفضلأنك تعقلها و تتوكل .
سلام .............

ورقة بيضا

تخيل لو حياتك ورقة بيضا ، و ملهاش غير قلم واحد بس يقدر يكتب عليها ن و القلم الوحيد معاك أنت بس ، و كمان رصاص يا عم ان شاالله ما حد حوش ، و كمان معاه أستيكة ،يا سلام ...........
تخيل لو تقدر تمسح بالاستيكة دي كل الامك و ذنوبك و أفعالك اللي زي الزفت ، و تقدر بمسحة واحدة تمسح أشخاص غير مرغوب فيهم في ورقة حياتك ، و تمسح كل ايامك الوحشة .
بس تفتكر ساعتها هتكون سعيد ؟ هتحس أنك كامل ؟ لما تمسح كل كذبة ، كل كلمة  ، كل فعل غلط عملته ، تفتكر هتكون وقتها صادق بجد ؟ ولا هتكون بتضحك على نفسك ؟
و مع كل حرف بتمسحه بتمسح معاه جزء من شخصيتك ،  من حياتك ، من أحلامك ، من نفسك ، مش هتكون كده بتهرب من الحقيقة لورقة فاضية ، طب وقتها ازاي هتقدر تحاسب نفسك على أخطائك ؟ هتقدر تحب و تكره ؟ يا ترى وقتها هيكون عندك تجارب سابقة تقيس عليها تجاربك الجاية ؟ يا ترى وقتها هتبقى متقبل نفسك بكمالك المزيف  ؟
تعرف ...... مهما رحت أو جيت مش هتقدر تزيف نفسك ، أكيد يفضل جزء فيك مش مصدق نفاقك و كذبك ، أحلى حاجة أنك تكون نفسك .
متحاولش تزيف أو تغير او تحور أو تحول خليك نفسك و شخبط في ورقتك زي ما أنت عايز و أوعى تمسح و لزيادة الاحتياط أكتب بقلم جاف أحسن .
سلام .......... 

كم أعشق يداها

                                                          كم أعشق يداها

كم أعشق هذه الأيدي المجعدة ، كم أعشق كل تفاصيلها ، فهي بالنسبة لي أيقونة لكثير من المعاني لا أستطيع فهمها بدونها ، فهي ايقونتي الخاصة لمعنى الحب و العطاء و الكرم و الأمان و النصح و الحنان و الاحتواء ، فهي أيقونتي لكثير من المعاني ، فهي من حملتني عندما كنت رضيعة لا حول لي و لا قوة و استطاعت حمايتي ، فهذه الأيدي أعطتني كل الحنان الذي تمنيت فى يوم ان أحصل عليه ، فهذه الأيدي ضمتني عندما كنت في حاجة لمن يضمني اليه لكي أشعر بالاطمئنان .

كم أعشق يدي أمي .

كم اعشقها عندما تمر من ورائي أثناء استذكاري لدروسي و تقوم بمداعبتي بيديها و تعطيني جرعة زائدة من حنانها الذي يعد بمثابة دفعة اضافية لي لكي أحاول اسعادها .

كم أعشق كل تفاصيل يديها التي اشعر فيها بأنها اعطتني عمرها كله لكي تسعدني ، انظر لتفاصيل يدي امك لكي تعلم ما عانته لكي تجعلك ما أنت عليه الان ، انظر لتفاصيلها و أعلم أن كل كانت من أجلك و من أجل أسعادك أنت وحدك فلا تعاملها بسوء فهي تستحق بكل ما عانته أن تحترمها و تجلها و تقدم لها الحنان و الرعاية و الاهتمام التي تريدهم .

اللهم اغفر لأمي و اكتب لها العمر الطويل و اجعلها سيدة نساء اهل الجنة امين .

التطور الغير الطبيعى للحاجة الساقعة

صدقونى مش ناوية اتكلم على لذيذ و رايق ولا صودا اكتر لمون اكتر ولا اللى بتلسع و الله مش ناوية انا ناوية اتكلم ان شاء الله عن التطور الطبيعى للبنات فى بلدنا المحروسة بس بالله عليكي اقرأي الموضوع للاخر مهما كانت ديانتك أو طريقتك فى الحياة علنا نستفاد من اراء بعض ده بالنسبة للبنات أما الشباب ليهم كلمة باذن الله فى الاخر
من كام سنة كده كانت البنت اللى بتكلم و لد ولا بتنزل شعرتين بتبقى ماشية و حاسه انها عاملة عاملة و تبقى مكسوفة جدااااااااااااا لو حد من أصحابها و تبدأ تألف حكايات انه ابن جوز خالتها أو حتى قريبهم او انه جارهم و زي أخوها و بتبقى في نص هدومها و هي بتتكلم ، من 6 سنين بالظبط كان عدم الاحترام بالنسبة للبنات ان البنت تبقى ماشية و قدامها ولد بيرميلها ورقة على الارض و هي تنزل تجيبها و تقرأها كانت المدرسة كلها تتكلم على البنت دي و مش بعيد واحدة صاحبتها تقطع علاقتها بيها و مش بعيد فاعل خير يبلغ اهلها كمان .
أما حاليا أصبحت البنات أكثر انفتاحا فى كل حاجة بصراحة في لبسها و لو اللبس ماكنش أكثر انفتاحا يبقى أضيق انغلاقا و بقت كمان البنات أكثر انفتاحا فى تعاملاتهم مع الأولاد أو الشباب في منهم تقول فيها ايه يعني ما هي ماما و بابا عارفين _ طبعا فى الحالة دي يكون ردها و نعم بابا و ماما _ و ممكن يكون الرد بلاش العقلية المتخلفة دى ده زميلي بلاش تبقى عقليتنا كده يا جماعة و منهم واحدة لو كلمتيها تقولك عادى ده حليب خالي الدسم _ و طبعا اصحابي فاهمين _ أنا كل اللى عايزة حضرتك تعمليه روحي لأخوكي أو أي ولد قريبك و أسأليه هو ينفع تبقى فيه صداقة بين ولد و بنت و لو أنت فيه بنت مصحباك انت بتبقى شايفها ازاي صدقيني هيبقى رد من اثنين ملهمش ثالث يا أما مادام ان بابلك و مفيش فيلنجس يبق سو وات ، أو و ده رد رائع مفيش بنت كويسة تمشي مع ولد .
أنا عايزاكي انتى و هو تتخيلي معايا موقفين ، أول واحد لو سيدنا محمد عليه افضل الصلاة و السلام ربنا بعثه دلوقتى حالا و انتى واقفة معاه و هو واقف معاكي هيقولك ايه لما تقوليله ده زميلي او صاحبي أو ناويين نرتبط و نفس الرد طبعا هيكون للولاد ، تفتكري حبيبك اللي بجد اللي هيقف علشان يشفعلك يوم القيامة هيبقى مبسوط بيكي و طاير من الفرحة و يقولك كان عندي حق لما ضحيت باصحابي و حبايبي و حياتي و استحملت عشانك ان أطفال الطائف يمشوا ورايا و يضربوني بالطوب و رجليا تتشقق من كثر الضرب و المشي و تنزف و استحمل علشان الاسلام يوصلك ان امعاء و أحشاء الحيوانات تلقى عليه و هو بيصلي ، تفتكري هيبقى ده رد فعله و لا ........
هيبكي و يبصلك و يقولك ليه ده انا ضحيت بكل حاجة علشانك ليه ؟؟؟؟؟
تفتكري هيكون سعيد بيك/ي ولا حزين و ندمان على اللي هو عمله علشانك ؟؟؟؟؟؟؟؟؟؟؟
أو تخيل/ي معايا انك متي دلوقتى و لكل اجل كتاب و كام مرة سمعت/ي عن حد من أصحابك مات و هو في نفس سنك و قتها بقى مش بابا و ماما هما اللي هيشوفوكوا مع بعض بس لأ ده كل الناس من أول سيدنا ادم لحد اخر بني ادم ربنا خلقه .
انت/ي لازم تفهمي انك بوقفتك معاه و كل كلمة معاه بتخوني ربك و نبيك و الثقة بتاعة اهلك اللي سلموهالك و بتخوني زوجك اللي لسه مجاش اصلا .
بالنسبة للشباب بقى مش رجولة منك انك تلعب بمشاعر بنت و تعلقها بيك بالعكس انت يمكن تبقى قدام أصحابك راجل و محترم و زي ما بنقول بورم ، بس مش هتبقى كده فى نظر ربك و رسولك اللي هما أغلى من كل دول مليار مرة .
اسلمنا بيدعوا للتحرر و بيؤمن بدور المراة فى المجتمع متنسيش ان اول شهيد فى الاسلام ست او مسلم ست ربنا كرمك و عزك و عفك و انتى نزلتي نفسك ، مش أي حد يسلم عليكي لأنك ملكة فى نظر ربك مش اي حد يقدر يمسك ايدك ، في فرح حفيد الملكة ديانا العروسة كانت لابسة فستان محتشم ، ربك جعلك ملكة متوجه والدك يقعد يتشرط على اللي جاي يتقدم علشان يرضى انه يفكر في الموضو و انتى بتكلمي اي حد .
و بقول لكل ولد بيكلم بنت كما تدين تدان ربنا قال كده صدقني البنت اللي ربنا قسمهالك هتلاقيها دلوقتي واقفة مع واحد تاني برضو يمكن بيقولها نفس الكلام و بيوديها نفس النادي .
بلاش تقبل على بنات الناس اللي متقبلهوش على اختك ، لأن للأسف كان زمان كلمة انت معندكش أخوات بنات بتهز الواحد من جوه و يسكت و يمشي و هو ندمان ، أما دلوقتي الواحد يرد بكل شجاعة لأ معنديش .
يا ريت نتقي الله فى بعض و في أهالينا و نكون عند حسن ظنهم .
يا ريت يا بنات محدش يزعل مني لانها كلمة من القلب بجد لكل بنت منكن لما بشوفها كده و الله بزعل عليها .
و السلام عليكم و رحمة الله و بركاته
و أعتذر عن اى اخطاء أملائية


ندى عبدالكريم