هتسيبها تعدى ؟؟؟؟؟؟؟؟؟؟؟؟

ايوة بسألك انت هتسيبها تعدى ؟؟؟؟؟؟؟؟؟؟؟؟
ما ترد ؟

يووووووووووووووه هو انا مقولتلكش ايه اللى هتسيبها ؟
معلش يا بنى هو انا مخى دفتر ؟
ده انتوا ناس غريبة فوووووووووووووى
ما علينا نرجع لموضوعنا
انا قصدى يعنى هتسيب المشاكل  تعدى كده ، اعتبر المشاكل ا دى زى عربية او تاكسى قدامك و انت بتعدى الشارع و هى بتعدى قدامك ببطئ كأن اللى بيسوقها واحد فوق ال100 سنة ، يا ترى هتفضل واقف لحد ما تعدى ولا هتحاول تعدى قبلها ولا هتتخانق مع السواق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا من رأيى تعافر معاه للرمق الاخير _ تصدق حلوة الرمق دى عجتنى _ ما علينا  ما تسبش نفسك ولا حقك ما تعديهاش مش علشان انت لا سمح الله مش مؤدب ، لأ علشان متتعبش ، و ترجع تندم بعد كده انك مخدتش حقك أو سيبتها تعدى ، انا عارفة ان الموضوع كتابته سهلة انما التنفيذ هيكون صعب ، لانك هتبقى محتاج تواجه مشكلتك ، يعنى بالبلدى هتقول للغولة عينك حمرا فى وشها و المفروض ما تخفش و ما تتهزش و تكون قد كل حاجة انت بتعملها فى حياتك ، و عايزة أقول حاجة كمان خلى كل قرارتك من دماغك و مش معنى كده انك تكون ديكتاتور بس الاول تعقلها و تتوكل على الله

سلام
ندى عبد الكريم

جنود من ورق

شوفت يا راجل مش طلع الجنود للى اتقتلوا على الحدود طلعوا ورق ؟

و احنا اللى ظلمنا اليهود انا ضميرى بدأ يأنبنى يا جماعة
فيه ايه يا حج شرف و الله ناوى تعتذر لاسرائيل  و ترفع العالم تانى طب مش كنت تقول انكوا كنتوا بتلاعوا مع بعض مصارعة على البلاى ستايشن و هو قتللك بتاع 9 من الانيميشن اللى كنت بتلعب بيهم يعنى مفيش مشكلة
و الله مش عارفه ان العلم الصهيونى اللى فوق بلدى اهم من جنود اتقتلوا و هما بيمنعوا جنود صهاينه من التوغل فى سينا شوف يا راجل بعد ما طلعت عيننا علشان نحررها جاى حضرتك و تقولهم حقوكوا علينا معلش هنرجعوا
لا يا راجل امال فين الكرامة اللى كنا بنطالب بيها
لأ تصدق يا راجل ان اللى حصل ده ملوش علاقة بالكرامة هو بس ليه علاقة بقيمة الروح و الانسان المصرى اذا كان يا عم الحكومة مش هممها دمنا اللى سال و رايحة تعتذر عن علم من قماش زعلنين قوى من يهود قتلونا على الحدود و فى الاخر عايزاكوا تدورا على اليوتيوب على فيديو اسمه شعر مصرى ساخن و اسمعوه و ده تكملة الكلام
سلام

ندى عبدالكريم

دور على نفسك

السلام عليكم و رحمة الله و بركاته


اوعى تفقد الثقة بنفسك مهما الناس قالوا أوعى تنساها و تخليها تختفى تحت اللى الناس عيزاك تبقاه حاول تفضل نفسك ، لانك لو اتغيرت و بقيت مزيف و اظهرت عكس حقيقتك للناس مش هما اللى هيتعبوا انت اللى هتتألم بجد ، و خليك عارف كويس ان مفيش حد كامل كلنا فينا اخطاء حتى جنة ربنا بيدخلها اللى ربنا يغفرهم يعنى عندهم ذنوب يعنى غلطوا ، و مش معنى كلامى ان احنا منصلحش اخطائنا لا لازم نحاول نصلح من نفسنا ، بس بلاش نبقى بوشين حتى لو فيه ناس اتضيقوا ، أسوأ شئ انك تكون جوه بيتك حاجة و براه حاجة ، ليه ايه لازمة انك تكون بوشين و بشخصيتين ، حاول تبقى واحد بره و جوه بلاش نبقى زى الشامبو 2*1

سلام

ندى الدسوقى

نهاية زهرة

نهاية زهرة

كانت زهرة متفتحة وسط البستان ، مع انه يوجد حولها الكثير من الأزهار لكنها كانت تلفت انتباه كل من يدخل الى البستان ،لانها تفتحت قبل اوانها ، و كانت شديدة الحمرة ،رائحتها المميزة تملأ المكان ، يدخل عليها الكثير من الناس كل يوم لكى يشاهدوها و يستمتعوا بجمالها الخلاب ، الذى يسر كل من ينظر اليها ، و جاء اليوم الذى قرر فيه أحد الأشخاص ان يقطفها من البستان ، كان فى بداية الأمر يعتنى بها ، و يرويها كل يوم ، و لكن ..........................بعمرور الوقت بدأت تذبل و تفقد بريقها و رائحتها و بدأت الحمرة تختفى من أوراقها الناعمة ، و لذلك لأهمال من يملكها
فبعد مرور الوقت أصبح لا يعتنى بها ن لقد ملل من الاعتناء بها ن فأهملها بكل قسوة و جفاء ، و بدا الناس ملاحظة ذبولها ، و بدأت بالاستعجاب لان مالكها يعتنى بها امام الناس ، و عندما بدأت تذبل كل يوم أكثر من اليوم الذى يسبقه ، كانت تتذكر فرحتها بهذا المالك ، حتى جاء اليوم الموعود و ماتت الزهرة وسط تعجب الكثير من الناس الذين لم يتوقعوا نهاية الزهرة بهذه السرعة .
سلام
ندى عبدالكريم